Sé Matt Crannitch a sheol an fhéile sa Mhuséam, oíche dé Céadaoin. Bhí an áit lán go doras le daoine a chuala ceól agus amhranaíocht ó óg agus aosta, ach bhí rud amhain a mhairfidh i gcuimhne na h-éinne a bhí i láthair, agus do'b é sin nuair a sheim Matt an fonn do amhrán a d'fhoghlaimigh sé ó Shean De h-Óra deich mbliana fichead roimis sin. Tríd an t-aer a fuair sé san áit a thabhairt thar n-ais ath-uair ann, chuir sé an té gur fhoghlaimigh sé uaidh é, ina stealla bheathaigh in ár measc aríst agus má bhí clos aige Seán ar ó'n dtaobh eile don bhfód, caithfaidh go raibh bród ar.

An oíche chéanna ansan, thiar i gClub An Mháistir, i dtigh Uí Chatháin,ar an mbaile, sé Ciarán Ó Gealbháin ó's na Déise a bhí i réim mar aoí fé leith i measc na n-amhránaithe. Chan sé cnuasach do amhráin breátha ó'na dhúthaigh fhéin a chuir gliondar ar a raibh i láthair. Ní raibh aon cheal éisteóirí ná amhránaithe ann an oíche chéanna agus is dócha gur canadh suas le deich fichead amhrán ar fad an oíche chéanna.

An mhaidean d'ár gcionn ansan, bhailigh céad agus a fiche dalta ar bhun scoil an Bhuailtín chun clárú dos na ranganna. D'fhág san go raibh feabhas 50% ar líon na ndaltaí ó'n mbliain roimhe sin. Bhí ó aoís a deich go dtí glan aoís a seachdó sé ag freastal ar na ranganna Veidhlín, Bosca Ceoil, Píob Uillinn, Feadóig Mhór, Feadóig Stain, Amhranaíocht ar an seana nós, Bodhrán, Banjó, Guitar, agus Concertina. Bhí orainn beirt múinteóiri a chur ar fáil don mBosca Ceoil, Feadóig Stáin, Veidhlín agus don Amhránaíocht. Is beag seomra ar fuaid an bhaile ná raibh rang lonnaithe ann ag foghlaim go dúrthachtach cleachtúil trí Ghaoluinn. An té ná raibh Gaoluinn aige nó aici ní mheáigh sé puínn mar do'b é an ceol an príomh theanga i gcomhair an deireadh seachtaine.

Breanndán Ó Beaglaoich, Maidhc Ó Mainín, Fódhla Ní Chonchúir, Úna Nic Guidhir agus ceoltóirí eile ag seisiún i dTigh Uí Mhurchú ag an Scoil Cheoil.

Bríd UÍ Bhriain, múinteoir an rang ar an bhfeadóg stán, i mbun ceoil le cuid dos na daltaí agus múínteoirí eile ag ceann dos na seisiúin i dTigh Mhurphy.

Sna ceardlanna amhránaíochta ar an sean-nós a bhí faoi stiúr Áine Uí Laoithe, tháinig aoinna speisialta isteach le cur leis na ranganna gach lá. Ar an Déardaoin ba é Ciarán Ó Gealbháin a bhí i láthair, ar an Aoine, beirt dos na Caipíní, Ben Ó Loingsigh agus Tom Mhaurice Ó Súilleabháin agus ar an Satharn, Seosaimhín Ní Bheaglaoich. Bhí árdú suntasach ar líon na ndaoine a ghlac páirt sna ceardlanna seo i mbliana, árdú ó thriúr anuraidh go dtí ochtar déag i mbliana.

Sé ceol agus amhráin Chorca Dhuibhne atá bailithe i gcaitheamh na mblian ó'n nglúin a chuaigh romhainn agus atá fós in aoírde fholain in ár measc, a bhí a mhúineadh in's na ranganna rud a dheineann an Scoil Ceoil seo deifriúil le'n alán scoileanna dá shaghas. Cabhraíonn sé seo le forbairt agus céiliúradh cannúint ceoil na h-áite agus cuireann sé le mórtas cinne na ndaoine a mhaireann san áit.

Níl éinne ag agairt gur fearr an ceol seo ná an ceol atá in aon áit eile, ach fé mar a dúirt Máirtín Ó Direáin "Coimead greim ar do chranna foirtil"---an dúchas a síneadh chughat ar lic do thínteáin féin agus go deimhin atá fé bhrú níos mó ná riamh anois. Má thagann an lá go mbeidh an ceol is an amhránaíocht mara chéille ar fuaid na h-Éireann, gan aon éagsúlacht a bheith le tabhairt fé ndeara eatartha ó cheann ceann na tire, beidhmíd i bhfad níos boichte dá bharra agus ár ndúchas ana leamh, ach ní dóigh liom go bhfuil aon t-seans fé'n spéir go dtarlóidh san fé'n dtrath seo.

Bríd Uí Bhriain agus a rang feadóg stán sa Mhúséam.

Caoimhín Ó Rathallaigh agus a rang veidhleadóirí in Óstán Cheann Sibéal

Sea, tar-éis lóin, bhí seisiún deas ceóil aige's na daltaí i dTigh Uí Mhurchú le cuid de's na múinteóiri istigh ina measc agus ba dheas é sin a fheiscint. An oíche sin ansan, thug Nicholas Carolan caint iontach i dtaobh an Cannónach Goodman, le Mick Ó Brien ag seimint a chuid ceoil. In Óstán Ceann Sibéal a bhí an tionól, agus bhraithfá biorrán ag titeam ach a bhfógair sé go raibh suas le 85 amhrán a bhailigh an cannónach, scríghte lena laimh aige, (a cheapathas riamh a bheith imithe ar bóliagar agus ná beadh fáilt go deó aríst orthú), fachta ath-uair i múnlach tí éigin thall i Sasana an samhradh seo caite. Ceann do sheoda luachmhara amhranaíochta na dúichí agus go deimhin na h-Éireann, fillte orainn, nach mór ó'n gcré.

An lá dár gcionn ansan, an Aoine tar-éis ranganna na maidine, bhí Paddy Cronin i mbun ceárdlainne nadúrtha, so-ranna i dTigh an tSaorsaigh ón'a dó a chlog go dtí isteach go maith sa lá. Duine do dhaltaí Phadraigh Úí Chaoimh is ea Paddy agus fuair sé an meas is an t-éisteacht a bhí tuillte aige ó'na raibh i láthair.

Breanndán Óbeaglaoich agus é díreach tar éis caipíní nua a bhronnadh ar lucht na gCaipíní ag ceolchoirm an Aoine ag an Scoil Cheoil i Halla na Feothanaí.

Cillian Ó Briain, ar chlé, lena dhaltaí ar na píob, sa Mhúséam ar an mBuailtín.

Oíche Dé h-Aoine ansan bhí ceolchoirm mór i Halla Na Feothannaí leis Na Caipíní, Na Campbells, Seán Garvey, Na Mc Keons agus Bobby Gardner tionlacaithe go rithimiúil aige Colm Murphy ar an mbodhrán agus rínc banríon an t-seana nóis dóibh, ó Chonamara Róisín Ní Mhainín chun clabhsúr a chur leis an oiche. Fuair a raibh i lathair luach a gcuid airgid go maith ar an ilghnéitheacht ealaíon a bhí curtha ar fáil dóibh. Sí Niamh Ní Bhaoíll a bhí i a bean an tí agus ba mhaith chuige í!

Bhí seasca duine a thug faoi na ranganna damhsa ar an sean-nós ar an Satharn, le Róisín Ní Mhainín agus iad spreagtha go mór aici. Tar-éis na ranganna ansan, maidin dé Sathairn, ar a 1:30 iar nóin, bhailigh na daltaí ar fad isteach i halla na bun scoile agus bhí an seisiún ceoil ba mhó riamh i gCorca Dhuibhna acu i measc na Campbells (An t-Athair,an Mac is an Spioraid Naomh!), Bobby Gardner, Paddy Cronin, Colm Murphy, Caoimhín Ó Raghallaigh agus Páidi Mhárthain. Do'b é sin an buaic ó thaobh na ranganna dhó é. Bhí a raibh ann tógaithe leis agus is ansan is fearr a thuig daoine cad atá i gceist le Scoil Cheoil An Earraigh agus cad is féidir a bhaint amach ach dtacaíonn daoine le chéile--"Níl neart go cur le chéile".

An píobaire Mick O’Brien, le Nicholas Carolan ó Thaisce Ceol Dúchas na hÉíreann, agus Niamh Ní Bhaoill, duine de stiúrthóirí na Féile.

Cuid don slua a bhi i láthair ag léacht Nicholas Carolan faoin gCanónach James Goodman.

Dhoichigh an oíche ansan agus tar-éis do Éirinn an Barra Bua a fhailt ar a seana namhaid Sasana, sa Rugbaí i bPáirc an Chrócaigh (agus feadfair a bheith siúralta go raibh gáir molltach le clos ó Thonn Chliodhna i gCuan Gleann Dor), líon Halla Na Feothanaí go doras chun Cór Chúil Aodha, Muíntir Uí Bhriain, Neil Ní Chróinín, Peadar O’ Loughlin le Geraldine agus Éamon Cotter a chlos agus ar deireadh thiar thall, mar fhear ionad do Joe Derrane ná raibh ar a chumas teacht i mbliana, chuir Frankie Gavin le cabhair tionlacain Carl Hession agus Tim Eady, ceol tine lasrach ar fuaid an halla a chuir iontas agus anam in a raibh i láthair.

Sea bhí an ceathrú oíche go maidean feicithe aige'na alán againn agus bhí maidean Dé Domhnaigh tagaithe agus sinn i Sáipéal Naomh Uinsionn ar an mBuailtín le "Pócaí Follamh agus Clioginn tínn" go líonmhar i láthair, seo chughainn Peadar agus Cór Chúil Aodha chun anam a chur aríst ionainn le Aifreann Uí Riada mar a tugtar go forleathan anois ar. Éinne go raibh leisce ar éirí an mhaidean san bhíodar buíoch gur dheineadar an t-iarracht mar bhí braistint san áit nach féidir a chur síos ar phárr. Do'b é an imeacht deireannach oifigiúil don Scoil é ach ní hé sin le rá go raibh deireadh leis an gceol mar do lean sé ar aghaidh ar an mbaile i gcaitheamh an lae agus go deimhin fhéin lean cuid acu orthu go meán oíche! A chnách san orthu!

Paddy Cronin agus Caoimhin Ó Rathallaigh i mbun ceoil i dTigh an tSaorsaigh

Bríd Uí Bhriain, Cillian Ó Briain agus Maidhc Ó Mainín ag baint sásamh as Scoil Cheoil an Earraigh.

Is aoibhinn agus is saibhir an dúchas atá fágaithe againn agus n'fhéadfainn cuimhneamh ar shlí níos feárr agus níos folláine ar céiliúradh a dhéanamh ar ná mar a thárla i mbliana aige Scoil Ceoil An Earraigh i gCorca Dhuibhne.

Go dtuga Dia an tsláinte dhúinn an rud céanna a dhéanamh an bhliain seo chughainn.

Breanndán Ó Beaglaoich agus Niamh Ní Bhaoill